Hatimaye, Katibu Mkuu wa Chama Cha Wananchi (CUF), Maalim
Seif Sharif Hamad ametoa msimamo wake na chama chake kufuatia mazungumzo ya
siri ya kutafuta suluhu ya mkwamo wa kisiasa baada ya kufutwa kwa uchaguzi wa
Zanzibar.
Akizungumza leo na waandishi wa habari katika hotel ya
kitalii ya Serena jijini Dar es Salaam, Maalim Seif amesema hoja ya
kurudiwa uchaguzi haina msingi kwani kunaweza kusababisha kutokea machafuko na
migogoro kwa uvunjifu wa sheria na katiba ya Zanzibar.
Amesema ni lazima maamuzi ya
wanzibari na ustahmilivu wao waliouonesha baada ya mwenyekiti wa Tume ya uchaguzi
Zanzibar ZEC kuchukuwa hatua hiyo ili kulete haki na si kuangaliwa maslahi ya
viongozi wachache.
Maalim seif amevitaja vipengele
kadha vya katiba alivyodai vimekiukwa na mwenyekiti wa ZEC Salimu Jecha na
kumtaka ajiuzulu kwa kufuta matokeo kinyume cha sheria na kuchukuliwa hatua za
kisheria kwa kukiuka katiba ya Zanzibar.
ameeleza kuwa anafahamu dhahiri kuwa
kuna mpango wa kutangazwa tarehe Februari 28 mwaka huu kuwa ni ya kurudiwa
uchaguzi ya lakini yeye pamoja na chama chake hawatakubali hilo.
Amesema tangu uchaguzi wa vyama
vingi uanze Zanzibar umekuwa ukikubwa na kasoro kadhaa ukiwemo wa
mwaka 2000 uliolazimu vituo 16 kurejea uchaguzi Zanzibar na hii ni kutokana na
ZEC kuingiliwa kazi zake wakati haipaswi kupokea au kushinikizwa na chama
chochote cha siasa au chombo chochote.
Aidha Maalim seif ambae ni mgombea
wa urais Zanzibar kupitia chama cha wananchi CUF amemtaka rais wa Jamuhuri ya
Muungano wa Tanzania Dr.John Pombe Magufuli kuongoza mazungumzo ya kutatua
mgogoro wa kisiasa unaoendelea Zanzibar kwa kufuata misingi ya kikatiba na
sheria baada ya mazungumzo yaliyokuwa yanaendelea na chini ya rais Dr Ali
Mohamed Shein kwa kuwashirikisha marais wastaafu wa Zanzibar kutoonesha kuzaa
matunda.
0 comments:
Post a Comment