Polisi waanzisha mradi wa kupunguza uhalifu katika familia Mjini

Jeshi la polisi Mkoa wa Mjini Magharibi limeannzisha mradi wa kuhamasiha kupunguza matokeo ya uhalifu katika familia na  jamii.

Kamanda polisi  mkoa huo Mkadamu Khamis Mkadamu amesema lengo la mradi huo ni  kuisaidia jamii kufahamu umuhimu wa kuimarisha mifumo ya malezi bora ambayo ni njia pekee salama ya kuzuia ukuaji wa uhalifu.

Amefahamisha kuwa mradi huo wa familia yetu hamna uhalifu umezingatia kwa kuwa wengi wa wahalifu wenye umri mdogo familia zao hazikuzingatia malezi bora pamoja na uslama watoto wao.

Akizungumzia kuhusu operesheni za kukamata wahalifu ameeleza kuwa jumla watu kumi na saba wamefikisha mahakamani kwa makosa mbalimbali ikiwemo utimiaji wa dawa za kulevya na kufanya biashara haramu ya pombe ya kienyeji.

Kamanda Mkadamu ameongeza kuwa jeshi hilo linaendelea kufanya operesheni ya pamoja na wananchi wa shehia mbalimbali kwa lengo la kuimarisha hali ya usalama ndani ya mkoa wa mjini Magharibi.