RAIS wa Zanzibar na Mwenyekiti wa
Baraza la Mapinduzi Dk. Ali Mohamed Shein, amesema licha Vyuo Vikuu Nchini
kuendelea kutoa taaluma kwa vijana bado vina wajibu na jukumu kubwa
la kuhakikisha wasomi wake wanatumia vipaji vyao katika kufanya tafiti
kwenye maeneo mbali mbali.
Amesema tafiti hizo zinaweza kuwa na
mchango mkubwa kwa wasomi wachanga wanaoanza kupata taaluma kwenye
Vyuo hivyo sambamba na kuliwezesha Taifa kupiga hatua za haraka za
Maendeleo.
Dr. Ali Moh’d Shein ametoa kauli hiyo wakati wa mahafali ya
15 ya Wahitimu 686 wa Satashahada ya kwanza katika Chuo Kikuu cha Elimu
cha Kumbu kumbu ya Dr. Abdulrahman Al - Sumait kiliopo Chukwani nje
kidogo ya Mji wa Zanzibar katika Hotuba iliyosomwa kwa niaba yake na Makamuwa
Pili wa Rais wa Zanzibar Balozi Seif Ali Iddi.
Amesema kuimarika kwa eneo la utafiti pia kutatoa
fursa kwa wananchi mbali ya kupata elimu katika kiwango cha juu lakini pia
watapata mbinu na maarifa ya kukabiliana na changamoto zilizowakabili maisha
yao ya kila siku.
Rais wa Zanzibar alisema mchango mkubwa unaotolewa na
Vyuo vikuu hapa Nchini hasa vile Binafsi umesaidia ongezeko la Walimu wa
skuli mbali mbali za Sekondari hapa Visiwani.
“ Vyuo hivi vikuu tayari vimeshazalisha idadi kubwa ya
wahitimu ambao kwa sasa wanatoa taaluma katika masomo tofauti kwenye skuli
mbali mbali hapa nchini ”. amesema Dr. Shein.
Ameushauri Uongozi wa Vyuo vikuu vya Zanzibar kuendelea
kushirikiana pamoja katika kubadilishana uzoefu wa Kitaaluma kwa lengo la
kuwajengea mazingira bora Walimu pamoja na Wanafunzi wa vyuo vyao.
Mapema, Mkuu wa Baraza la Chuo hicho Profesa
Hamed Rashid Hikmany, amesema miongoni mwa malengo ya chuo hicho, ni kudumisha
umoja wa vyuo vya hapa nchini na nje ya Tanzania.
 |
Balozi
Seif Ali Iddi akipokea zawadi maalum kutoka
kwa
Mwenyekiti wa Baraza la Chuo Kikuu hicho
Dr.
Abdulrahman Al – Muhailan kwenye mahafali
ya
15 ya chuo hicho hapo chukwani.
|
0 comments:
Post a Comment