Mianya ya kisheria kikwazo kwa kesi za udhalilishaji Zanzibar

Mkurugenzi Idara ya Mashtaka Zanzibar
Ibrahim Mzee Ibrahim

Mapungufu ya kisheria ni miongoni mwa vikwazo vinavyosababisha kuwepo na ugumu wa watuhumiwa wa kesi za udhalilishaji kutiwa hatiani zanzibar.

Sheria hizo pamoja na ya ushahidi ya mwaka 1917  sheria  mwenendo wa makosa ya jinai no 6 ya mwaka 2006 na kukosekana sheria ya kuzuia udhalilishaji kwa njia ya elektroniki.

Mkurugenzi Idara ya Mashtaka Zanzibar Ibrahim Mzee Ibrahim amesema mapungufu hayo wakati mwengine hutumika kumaliza kesi nyingi bila ya kutoa haki.

“ Kwa mfano sheria ya ushahidi ya mwaka 1917 ni ya zamani sana inahitaji marekebisho makubwa ili kwenda na wakati” amewaambia waandishi wa habari waliofika ofisini kwake .

 Hata hivyo amesema wameshapendekeza Tume ya marekebisho ya sheria mapungufu  hayo ili kufanyiwa kazi kwa mujibu wa wakati.

Mkurugenzi Ibarahim ameiomba jamii kutoyafumbia macho makosa ya udhalilishaji na kuwa tayari kutoa ushahidi pale unapohitajika.

“Mtu yoyote atakaeona kesi yake inakwenda vibaya iwe polisi au mahakamani ni vizuri kufika hapa (afisi ya mkurugenzi wa mashtaka) na tutamsaidia kwa mujibu wa sheria bila ya vikwazo.