Zanzibar kutumia bilioni 705.1 mwaka 2014/2015

Serikali ya Zanzibar imekisia kutumia shilingi bilioni 705.1  katika mwaka wa fedha wa mwaka 2014/2015.

 Waziri wa Fedha Omar Yussuf Mzee amesema kipaumbele zaidi  mwaka huu   kimewekwa katika sekta afya, miundominu, maji na elimu  ili   kupata maendeleo.

Alikuwa akizungumza na waandishi wa habari  kuhusu muelekeo wa  bajeti  ya  mwaka wa fedha 2014/ 2015 itakayo wasilishwa  katika kikao cha bajeti ya Serikali ya Zanzibar kinachotarajiwa kuanza May 14 mwaka huu.

Waziri Mzee amefahamisha kuwa serikali inatarajia kukusanya shilingi bilioni 399 kwa mapato ya ndani na bilioni 305.3 kwa mapato ya nje ikiwemo misaada na mikopo.

Akizungumzia kuhusu hali ya uchumi umekuwa kwa asilimia 7.4 mwaka jana ikilinganishwa na asilimia 6.8 ya mwaka 2012.

 Ameongeza kuwa pato la mtu mmoja limeongezeka  na kufikia milioni 1 na elfu 77 kutoka milioni 1 na elfu 30 la mwaka  2012.

 Waziri wa Mzee ameongeza pia mfumko wa bei umepungua kutoka asilimia 9.4 kwa mwaka 2012 hadi asilimia 5 mwaka jana.

 Amezitaja sababu zilizochangia kukuwa kwa uchumi ni pamoja na huduma za hoteli na mikahawa   na kilimo kwa zao la karafuu na mpunga.

Aidha amesem idadi ya watalii waliotembelea Zanzibar  kwa mwaka 2012 imefikia 169, 223 na kwa mwaka 2013 wametembelea 181, 301 sawa na asilimia 7.1.