PAC yachoshwa na matumizi ya mabaya ya fedha za umma.

Omar Ali Shehe mwenyekiti wa PAC

Kamati ya kudhibiti na kuchunguza hesabu za serikali ya baraza la wawakilishi  imesema bado kuna  matumizi ya mabaya ya fedha za umma katika baadhi ya taasisi za serikali.

Mwenyekiti wa kamati hiyo Omar Ali Shehe amesema ubadhirifu huo umeongezeka kutokana na serikali  kushindwa kuchukuwa  hatua licha ya kuweka udhibiti wa matumizi ya fedha zake.

Ameishauri  kupunguzwa matumizi hayo yasiyo ya lazima ili fedha   zitumike kwa mahitaji muhimu ya wananchi na kupunguza   madeni yasiyokuwa ya lazima kwa  baadhi ya taasisi za serekali.

  Omar Ali Shehe alikuwa akizungumza wakati kamati hiyo kudhibiti na kuchunguza hesabu za serikali ilipotembelea kuangalia matumizi ya fedha katika taasisi za Wizara ya habari, utamaduni, utalii na michezo Zanzibar.