usimamizi wa rasilimali za bahari unahitajika zaidi



Mkuu wa Mkoa wa kusini unguja
Dr Idrisa Muslim Hija

Mkuu wa Mkoa wa kusini Dr Idrisa Muslim Hija amesema uhakika wa upatikanaji wa rasilimali za bahari kwa faida ya jamii unahitaji usimamizi bora ili kudhibiti uharifu wa mazingira ya maeneo ya ukanda wa pwani .

Akizungumza na wadau wa maendeleo wa maeneo hayo yana rasimali nyingi zinaweza kutumika kama njia kuu za kuendesha maisha ya wananchi na kuleta maendeleo ya taifa.

Hata hivyo amesema mafanikio hayo hayawezi kufikiwa iwapo hakutakuwa na matumizi na usimamizi madhubuti wa rasilimali hizo na matumizi yake kwa faida ya jamii..

Dr Hija ameitaka jami ya ukanda huo kuweka utaratibu bora utakaoweza kuwa na matumizi endelevu ya rasilimali hizo na kuongeza uhifadhi utakaopelekea wavuvi kupata maslahi bora kupitia kazi yao.

 nae Mkurugenzi wa idara ya maendeleo ya uvuvi Mussa Aboud Jumbe ameeleza amesema wanafanya utafiti ili kugundua matatizo ya mabadiliko ya tabia nchi na athari zake kwa lego la kuangalia uwezekano wa kutafuta njia bora itakayosaidia wananchi na serikali kwa pamoja.

Mkutano huo umeandaliwa na idara ya uvuvi na Benki ya dunia kupitia mradi wa uvuvi kusini mashariki mwa bahari ya hindi  (SWIOFISH) ili kuandaa makubaliano ya kuanzisha mradi wa kuisaidia jamii ya ukanda wa bahari.