Rais wa Zanzibar na mwenyekiti wa baraza la Mapinduzi Dkt.
Ali Mohamed Shein ameendelea kusisitiza suala kurudia
uchaguzi na kutaka wananchi kuendelea kuishi kwa amani na utulivu huku
wakisubiri Tume ya uchaguzi Zanzibar (ZEC) kutangaza tarehe ya kufanyika uchaguzi
huo.
Amesema uchaguzi wa awali uliofanyika Novemba 25 mwaka jana ulifutwa na zec baada
ya kubainika kasoro kadhaa na uamuzi huo ulitangazwa katika gazeti
la serikali na kueleza
kuwa watangaza tarehe nyengine baadae.
Dkt Shein amefahamisha kuwa kwa mujibu wa katiba
ya Zanzibar 1984 na sheria ya uchaguzi Zanzibar 1984 Tume ndio yenye jukumu la
kusimamia uchaguzi wa rais madiwani na wawakilishi hivyo kufutwa kwa uchuguzi
uko kisheria.
“ Tutarudi katika uchaguzi wa marudio ili wananchi
watekeleza matakwa yao ya kikatiba kumtafuta kiongozi halali kwa kutumia mfumo wa kidemokrasia.
Akizungumza katika kilele cha maadhimisho hayo
huko katika viwanja vya Amaan Zanzibar Dkt Shein amesisitiza wananchi kuendelea kuwa
wastahmilivu, kuishi kwa amani na kuendeleza shughuli za maisha yao ya kila
siku na suala la uchaguzi
wa Zanzibar lisiwe chanzo cha kuvunja sheria za nchi kwa makusudi
Amefahamisha kuwa suala la amani Zanzibar halina
mbadala kwa vile limefanikisha kupatikana maendelo mbalimbali ya kijamii na
taifa hivyo mwananchi wanapaswa kutekeleza wajibu wao wa kutii
katiba na sheria za nchi na serikali haitowavumilia watu wanaotaka kuharibu
utulivu uliopo.
Rais wa Zanzibar amewomba viongozi wa wa
seriali, wanasiasa, dini na wengine kuhakikisha wanatekeleza wajibu
wetu wa kuhamasisha amani.
Akizungumzia kumekuwa na mafaniko kadhaa
yaliyopatikana Zanzibar kipindi cha mwaka uliopita ambapo karibu miradi 31
inayogharimu zaidi ya dola milioni mia tatu imeanzishwa na mengine imeshaanza
kazi.
Dkt Shein amesema Zanzibar imeadhimisha miaka
52 ya Mapinduzi na yatendelewa kuenziwa sambammba na kudumisha Muungano wa Tanzania
kwani ndio yaliyowezesha wananchi kuishi kwa amani na kupata maendeleo.
0 comments:
Post a Comment