Watoto 3,668 watolewa katika ajira mbaya Zanzibar

Jumla ya watoto elfu tatu mia sita na 68 wameanikiwa kutolewa katika ajira mbaya katika kipindi cha April 2012 hadi sasa Zanzibar.

Kati ya watoto hao wanawake ni elfu moja mia nne na 98 na wanaume elfu mbili mia moja na 70 kupitia jumuia TAMWA, KUHAWA, PIRO na COWPZ.

Akizungumza na waandishi wa habari afisa mradi wa watoto katika wa chama cha waandishi wa habari wanawake Tanzania TAMWA Sheikha Haji Dau amesema kati ya watoto hao 28 wameacha tena masomo na kurejea tena katika ajira.

Amesema mradi huo unatarajiwa kuwafikia watoto elfu 5 hadi kukamilika kwake September mwaka huu chini ya ufadhili wa shirika la save the children.

Afisa Sheikha amefahamisha kuwa kwa upande wa TAMWA kati ya watoto waliorejeshwa skuli wamekwenda skuli za msingi na watatu kutoka kijiji cha Chwaka wanasoma kituo cha elimu Mbadala.