Dk Shein afungua kongamano la kitaifa la ajira.

Rais wa Zanzibar  Dk.Ali Mohamed Shein (kulia)
 akifungua kongamano la Ajira.

Rais wa Zanzibar Dk. Ali Mohammed Shein amesema serikali imeandaa mazingira bora ya kukabiliana na tatizo la ajira kwa vijana kwa kuwaongezea vyanzo vya kujiajiri wenyewe.

Amesema tatizo hilo ni changamoto inayowakabili vijana duniani kote hali inayowafanya kufanya kazi zisizokuwa na heshima.

Dk shein ameeleza hayo alipokuwa akizungumza katika kongamano la kitaifa la ajira kwa vijana mjini Zanzibar.

Takwimu zainaonyesha zaidi ya vijana milioni 73 hawana ajira ikiwemo  wanaomaliza vyuo vikuu kutokana masomo wanayomaliza hayaendani na fursa za ajira za sekta rasmi.