Vielelezo vya ushahidi vya kesi za udhalilishaji vyetelekezwa hospitali ya Mnazi mmoja.

Mratibu wa Dawati la jinsia la wanawake na watoto
makao makuu ya Polisi Maua Saleh Juma

Vielelezo kadhaa vya ushahidi wa kesi za udhalilishaji vimetelekezwa katika kituo cha Mkono kwa mkono kwa mkono (One Stop Center) kilichopo Hospitali kuu ya Mnazimmoja.

Mwandishi wa habari hizi alishuhudia kuwepo kwa vidhibiti hivyo vya watu kadhaa vya waliofanyiwa udhalilishaji ikiwemo ubakaji katika maeneo tofauti ya visiwa hivi.

Vidhibiti hivyo ni pamoja na nguo za ndani za waliofanyiwa vitendo hivyo vinavyotakiwa kuchukuliwa na polisi kwa ajili ya kuendeleza uchunguzi wa  kesi hizo.

“Vidhibiti hivi vimekaa kwa muda mrefu hapa bila ya kupelekwa kufanyiwa uchunguzi wa kitaalamu wa vinasaba (DNA) kukamilisha ushahidi” amesema Marijan Msafiri ambae ni Daktari dhamana wa kituo hicho cha Mnazimmoja.

Amefahamisha tabia hii inasababisha kesi za udhalilishaji ikiwemo ubakaji kuchelewa au kukwama kwa vielelezo jambo linalorejesha nyuma watendaji wa taasisi nyengine za kupambana na vitendo vya udhalilishaji Zanzibar.

Akitoa maelezo Mratibu wa Dawati la jinsia la wanawake na watoto makao makuu ya Polisi Maua Saleh Juma amekiri kuchelewa kuvichukuwa vidhiviti hivyo katika kituo hicho cha mkono kwa mkono na wao wanawajibu kuvichukua vielelezo hivyo ili kuvifanyia kazi na haki ya kisheria kufuata mkondo wake.

“ mimi niliwahi kushuhudia vielelezo hivyo lakini nikiri kuwa ni udhaifu wa kiutendaji kwa jeshi letu ”, amesema Maua.

Ameongeza kuwa jeshi la polisi ndilo lenye jukumu la kuvichukua vidhibiti hivyo ili  kufanyiwa uchunguzi na kumtia hatiani watuhumiwa wa matendo hayo.

Hata hivyo amekiri kuwepo changamoto kubwa katika jeshi la polisi ikiwemo usafiri wa  na fedha kwa ajili ya kupeleka vielelezo hivyo kwa uchunguzi wa vinasaba (DNA) Dar-es-Salaam na kuendeleza kesi hizo.

Mratibu Maua akizungumzia kuhusu madai ya baadhi ya polisi kusaidia usuluhishi wa makosa ya udhalilishaji ikiwemo ubakaji ameeleza kuwa ni kosa Kuhusiana na madai ya baadhi ya polisi kufanya suluhisho, kwa makosa ya udhalilishaji ikiwemo ubakaji

“Kitendo cha polisi ni kosa la kisheria na kumtaka Mtu yoyote aliekuwa hajatendewa haki na polisi amehusika kwa njia moja au nyengine kuwasilisha malalamiko yake ngazi za juu ya polisi kwa ajili ya kuchukuliwa hatua.” amesema Mratibu wa dawati la jinsia Makao makuu ya polisi  Zanzibar.

baadhi ya waandishi wakibadilishana mawazo na Mratibu wa Dawati la jinsia la wanawake na watoto Maua Saleh Juma