Polisi yasitisha mkutano wa hadhara kesho19 April 2014

Jeshi la Polisi  Zanzibar limesitisha  mkutano wa hadhara wa chama cha CUF uliopangwa kufanyika leo katika viwanja vya demokrasia Kibandamaiti.

Taarifa iliyotiwa saini na Mkuu wa polisi Wilaya ya Magharibi SSP Ramadhan Nganga imeleza kuwa mkutano huo umesitishwa kwa sababu za kiusalama.

Amemtaka katibu mkuu wa CUF kuwajuilisha wanachama na wapenzi wote chama hicho kuwa watulivu kwa muda huo hadi hali itakaporuhusu kufanyika tena kwa mkutano huo.

Mkutano huo wa CUF ulitarajiwa kuwahusisha  wajumbe wa bunge maalum la katiba kutoka umoja wa katiba ya wananchi ukawa waliosusia  vikao vya bunge hilo linaloendelea mjini Dodoma.