BALOZI SEIF-UKAWA hawakuonyesha uungwana kususia bunge la katiba

Makamu wa pili wa Rais Zanzibar Balozi Seif Ali Idd ameelezea masikitiko yake  kufuatia kitendo  cha baadhi ya wajumbe wa bunge maalum la Katiba kususia vikao vya bunge hilo.

Amesema wabunge hao hawakuonyesha uungwana wala uvumilivu na  muelekeo wa kuwanyima haki ya kidemokrasia watanzania.

Hata hivyo ameeleza kuwa kundi lililobakia ndani ya bunge hilo kwa mujibu wa sheria na kanuni lina uwezo wa kuendelea na kazi ya kuandaa katiba na baadaye kuipeleka kwa wananchi kupigiwa kura ya maoni.

Kundi lililobakia ndani ya Bunge Maalum la Katiba ni kubwa na lina uwezo wa kutekeleza kazi hiyo muhimu katika Historia ya Tanzania kwa mujibu wa Sheria na Kanuni zetu tulizojipangia kwa  pamoja sisi na wale walioamua kuukimbia mjadala huo “. Alifafanua Balozi Seif.

Balozi seif akizungumzia suala la Muungano wa Tanganyika na Zanzibar amesema umeleta faida kubwa ikiwemo kuwanufaisha watanzania wengi kiuchumi na ustawi wa jamii.

Amebainisha kuwa Kwa vile Muungano wa Wananchi wa Zanzibar na Tanzania Bara ni wa asili ni vyema kwa watu wa pande hizo mbili wakaendelea kuuenzi na kuuimarisha kwa faida ya vizazi vya sasa na vile vijavyo.

 Makamu wa pili wa Rais Zanzibar ameeleza hayo alipotembelea maonyesho ya maadhimisho ya kutimia miaka 50 ya muungano katika viwanja vya mnazi mmoja jijini dar es salaam yaliyozirishirikisha mashirika na taasisi mbali mbali za sekta za Muungano.

 

 

Add caption

 

Balozi Seif akipezuri na kuangalia baadhi ya Machapisho yaliyoandikwa katika Gazeti Rasmi la Serikali kuhusu harakati za Muungano wa Tanganyika na Zanzibar kati kati ya  miaka ya Sitini.