Waziri Karume akutana na watendaji wa Waziri wa Ujenzi, Mawasiliano na Usafirishaji.

Waziri wa Ujenzi, Mawasiliano na Usafirishaji Mhe Balozi Ali Karume amesema suala la umoja na ushirikiano ni muhinu katika utendaji wa kazi ili kuleta ufanisi bora kazini.

Mhe Waziri amesema hayo alipokutana na uongozi wa Wizara hiyo ikiwa ni siku yake ya mwanzo kuripoti kazini tokea aapishwe wadhifa huo.

Amesema nidham ya kazi ni kitu kikubwa sana kazini kwani huleta heshima, mshikamano kwa wakubwa na wadogo.

Katika mazungumzo yake na wakuu wa Wizara hiyo waziri karume amewaomba wakuu hao kuwa na utaratibu mzuri wa fursa za mahitaji  ya fedha na kuzijngea hoja madhubuti serikalini na sehemu nyengine za mahitaji na kuonesha mrajesho sahihi.

Hata hivyo amesema upatikanaji wa fedha na matumizi yaende sambamba na lengo lililokusudiwa na sio kwenda kinyume na lengo husika.

Mh karume amefahamisha kuwa lengo la Rais kuanzisha Wizara hiyo ni kuwepo  uhusiano mkubwa kwa taasisi zake na taasisi zilizokuwa katika Wizara kama hiyo ya Tanzania Bara ili kurahisisha kuwa na ushirikiano mkubwa kwa kutatua kero zinazozikabili taasisi hizo.

Aidha amesema Wizara hiyo kwa sasa itajikita zaidi na masuala ya ukarabati na utunzaji wa nyumba na barabara ili Zanzibar iwe na Mazingira mazuri kama yalivyo mataifa mengine.

Waziri karume ameomba ushirikiano na kusaidiwa kazi na wakuu hao ili wawezee kufikia lengo lililokusudiwa.