Miti zaidi ya milioni moja kupandwa Zanzibar katika msimu wa mvua za Masika.

Wizara ya Kilimo na Maliasili Zanzibar imeaandaa mpango maalum wa kuhamasisha  jamii umuhimu wa upandaji wa miche ya misitu, matunda na mikarafuu ili zanzibar iweze kuzalisha mazao kwa wingi.

Katibu Mkuu Wizara ya Kilimo na Maliasili Afan Othman Maalim amesema mpango huo unalenga pia katika kukabiliana na uharibifu wa mazingira  pamoja na kukabiliana na mabadiliko ya tabia ya nchi.

Akizungumza na waandishi wa habari kuhusu upandaji wa miti kwa msimu wa mvua za masika amesema utafiti unaonesha jumla ya maeneo 47 yameathirika na uharibifu huo hivyo ni vyema jamii kuendeleza kupanda miti kwa wingi ili kujinusuru na athari hizo.

Katibu mkuu Maalim amesema upandaji wa miti kitaifa kwa mwaka huu utafanyika katika maeneo mbalimbali ya zanzibar ikiwemo yale yaliothirika zaidi ili kuyarejeshea haiba yake.

Amefahamisha  kuwa katika mwaka huu wa 2016 Serikali kupitia Idara ya misitu na Maliasili zisizorejesheka inakusudia kugawa miche zaidi ya milioni moja na kali nne kwa wananchi  mwaka huu.

ametoa wito kwa wakulima kuihudumia miche watakayopanda ya mikarafuu, matunda na misitu na kuhakikisha kuwa mashamba yao yanakuwa safi kwa ajili ya upandaji.