Matayarisho ya sherehe za kumuapisha Dkt Shein yakamilika

Matayarisho kwa ajili ya sherehe za kumuapisha raisa mteule wa Zanzibar  Dkt Ali Mohamed Shein  yamekamilika.

Mwenyekiti wa kamati ya sherehe na maadhimisho ya kitaifa Balozi Seif Ali Iddi akiwa pamoja na makamanda wa vikosi hivyo na baadhi ya watendaji wakuu wa Serikali walikagua hatua za mwisho za maandalizi.

Sherehe  hizo zitakazofanyika katika uwanja wa amani mjini Zanzibar  zitapambwa na vikosi   vya Jeshi la Wananchi wa Tanzania (JWTZ), Polisi, Kikosi cha Kuzuia Magendo (KMKM), Mafunzo, Jeshi la Kujenga Uchumi (JKU) , Valantia (KVZ) na Kikosi cha Zimamoto na Uokozi (KZU).

Akizungumza katika ziara hiyo Balozi Seif amewaomba kujitokeza kwa wingi katika siku hiyo  pamoja na kuwataka kuelewa kuwa uchaguzi umeisha  kila mmoja anapaswa  kuhakikisha  anaelekeza nguvu zake katika ujenzi wa taifa  ili kukuza uchumi wa Zanzibar.

Dr. Ali Mohammed Shein  wa Chama cha Mapinduzi  CCM alishinda uchaguzi baada ya kupata kura  299,982 sawa na asilimia  91.4% ya kura zote zilizopigwa kwenye uchaguzi wa marudio Zanzibar uliofanyika jumapili ya Machi 20,2016.

Wajumbe wa Kamati ya Sherehe na Maadhimisho ya Kitaifa

wakitafakari  na kujaribu kujadili changamoto zilizojitokeza

wakati wa matayarisho ya mwisho wa sherehe za kuapishwa

kwa Rais Mteule wa Zanzibar na Mwenyekiti wa

Baraza la Mapinduzi Dr. Ali Mohammed Shein.