Utekelezaji wa haki za watoto zafanyiwa tathmini Zanzibar.

Wizara ya uwezeshaji, ustawi wa jamii, vijana, wanawake na watoto umeandaa mfumo wa ufuatiliaji na tathmini masuala ya haki za mtoto Zanzibar.

Mpango  huo unalenga kufahamu namna ya kutekeleza na kusimamia haki za kundi hilo nchini ili  kupata taarifa sahihi na kwa wakati.

Mkuregenzi  mipango, sera, na utafiti wa  Mhaza Gharib Juma akizungumza na maafisa wa mipango na takwimu wa taasisi zinazotekeleza mkakati wa haki za watoto ameelezea umuhimu wa  mfumo huo katika kusimamia na kuandaa mipango bora.

Amesema  inaamini kuwa mpango huo utakuwa nyenzo nzuri ya kufahamu changamoto ziliopo na kuwa  na njia mbadala za kupunguza tatizo hilo sambamba na Mpango wa kukuza uchumi na kuondoa umasikini  Zanzibar (MKUZA).

Mkutano huo  umewashirikisha  maafisa kutoka jeshi la polisi,Mahakama,DPP,Chuo cha mafunzo na Unicef umetayarishwa kwa ufadhili wa jumuia ya ulaya.