Bodi ya Chakula, Dawa na Vipodozi Zanzibar yakamata shehena ya mafuta ya kupikia yaliyoingizwa Nchini karibu na kumaliza muda wake.

Bodi ya Chakula Dawa na Vipozi Zanzibar, imekamata tani 10.1 za mafuta aina ya Sunflower yenye thamani ya shilingi milioni 39 ambayo hayafai kwa matumizi kwa binaadamu.

Mafuta hayo yanayomilikiwa na Said Omar Abdalla yamekamatwa katika maeneo ya Amani ambako mafuta hayo yamehifadhiwa na kuyafunga upya  kwa kuyatoa kwenye chupa za lita moja na  kuyaweka katika madumu ya lita tano na lita ishirini.

Mkuu wa Kitengo cha usalama wa Chakula wa Bodi hiyo Aisha Suleiman amesema mafuta hayo ambayo yanamalizika muda wa matumizi mwezi ujao yanaweza kusababisha athari kwa watumiaji kutokana na kuwa mafuta hayo yamewekwa katika hali isiyoridhisha.

Amesema mazingira yaliokutwa mafuta hayo ni kuyabadilisha kutoka katika chupa ya lita moja na kuyaingiza katika dumu la lita ishirini na lita tano kwa kificho cha kutojuulikana muda halisi wa mwisho wa matumizi kwa mafuta hayo.

Alifahamisha kuwa madumu yanayotumika kubadilisha mafuta hayo ya lita 20 yanatumika kutoka kampuni ya Premium Enterprise ambayo yanaonesha muda wake wa kumalizika 2018 jambo ambalo linalenga hali ya udanganyifu kwa watumiaji.

Aidha alisema hali ya mafuta hayo haikubaliki kwa matumizi sambamba na ghala hilo kutosajiliwa na mafuta kutosajiliwa kisheria ambayo hayatambuliki katika bodi hiyo.

Kwa upande wa wamiliki wa kampuni ya premier enterprise ambao madumu yao yametumika kutiliwa mafuta amesema walipata taarifa kwa wasamaria wema kwamba madumu yao yanatumika kujaziwa mafuta na kuuzwa katika sehemu mbalimbali na waliweza  kufuatilia na kutoa taarifa kwa vyombo vya kisheria.

Wameviomba vyombo vya sheria kuwachukulia hatua kali dhidi ya wadanganyifu hao ambao wanaharibu biashara za watu wengine kwa maslahi yao sambamba na kuharibu afya za watumiaji.

Aliekamatwa akifanya hujma ya mafuta hayo Said Omar amethibitisha kuwa mafuta hayo hayana muda mrefu kumaliza muda wa matumuzi na amekiri kuwauzia wauza chipsi ndio wateja wake wakubwa.

Wafanyakazi wa Bodi ya Chakula, Dawa na Vipodozi Zanzibar wakifungua

 Godauni lenye mafuta ya kupikia yanayokaribia kumaliza muda wake wa

 matumizi ya kula binadamu, eneo la Amani magogoni Mjini Zanzibar.

Shehena ya maboksi ya mafuta ya kula yaliyoingizwa nchini kinyume na sheria

Mkuu wa Idara ya Usalama na Ubora wa Chakula wa (ZFDB) Bi. Aisha Suleiman

 akizungumza na wandishi wa habari kuhusu kukamatwa mafuta yaliyoingizwa

 nchini kinyume na sheria yenye thamani ya miliono