CCM yampitisha Zubeir Ali Maulid kugombea nafasi ya Spika Baraza la Wawakilishi la Zanzibar

Chama cha Mapinduzi kimempitisha Zubeir Ali Maulid kugombea nafasi ya Spika Baraza la Wawakilishi la Zanzibar katika kipindi cha mwaka 2015-2020.

Amepata nafasi hiyo baada ya kupata kura 55 dhidi ya Pandu Ameir Kificho Spika aliyemaliza muda wake kukitumikia chombo hicho kwa zaidi ya miaka 20 alipata kura 11 kura 2 huku zimeharibika katika uchaguzi uliofanyika afisi kuu ya CCM Kisiwandui.

Akizungumza na waandishi wa habari Maulid amesema anakabiliwa na changamoto kubwa za kuleta mabadiliko katika utekelezaji wa chombo hicho ambacho ni moja ya muhimuli wa dola.

Amesema atatumia uzoefu alioupata katika kufanya kazi katika taasisi za kutunga sheria kwa ajili ya kuhakikisha baraza la wawakilishi linafanya kazi inayotakiwa ya kuisimamia serikali kwa mujibu wa katiba.

Nae pandu ameir Kificho amesema amekubali kushindwa kwani ni  hiyo ni demokrasia na yupo tayari akitakiwa kutoa ushirikiano kwa vile ana uzoefu mkubwa katika nafasi hiyo wa zaidi ya miaka 20.

Baadhi ya wajumbe wa baraza la wawakilishi wamesema mabadiliko hayo ni ujumbe tosha  kwa rais wa Zanzibar Dkt Ali Mohamed Shein kuwa wawakilishi wanataka mabadilio makubwa katika serikali kwa ajili ya kuwatumiki wananchi.

Wagombea hao waliopitishwa kupigiwa kura na kikao cha Kamati maalum ya CCM kilichofanyika Alkhamis ya Machi 24, 2016  ni miongoni mwa wanaccm tisa waliombwa nafasi hiyo akiwemo Mahmoud Muhammed Mussa, Mohamed Ali Ahmed, Sadifa Juma, David Mwakanjuki,  Perera Ame  Silima na Abdalla Waziri.