Sekta ya habari Zanzibar bado inakabiliwa na vikwazo

Sekta ya habari Zanzibar inaendelewa kukabiliwa na changamoto ya sheria zinazowanyima uhuru wa kupata habari.

Mkufunzi wa mafunzo ya wandishi wa habari Jasad Bungala ameeleza kuwa katiba ya sasa haionyeshi kulinda uhuru wa vyombo vya habari tofauti na nchi nyengine duniani.

Amesema vyongo vingi vya habari vinazuliwa au kunyimwa kupata habari na serikali katika baadhi ya taasisi zake.

Hivyo ametoa rai ya kuondoshwa vikwazo hivyo vya kwani inakosesha fursa za mabadiliko na kukwamisha haki ya kidemokrasi ya kupata habari kwa wananchi iliyowekwa katika katiba.

Naye Mkurugenzi wa Kituo cha huduma za sheria Zanzibar kilichoandaa mafunzo hayo Harusi Miraji Mpatani amesema wananchi wengi wanavunjiana haki zao za kibinaadamu bila kufahamu na baadae kuitupia lawama serikali kuwavunja haki

Amezitaja miongoni mwa haki zinazovunjwa ni jamii kuchukua sheria mikononi badala ya kutoa taarifa kwa wasimamizi wa sheria.

Mkurugenzi Harusi amewasisitza waandishi hao kutumia nafasi yao kuwaelimisha jamii kufahamu haki zao na mbinu za kufikia maendelo yao.